இனியாவின் திகில் ரோல்

அம்மாவின் கைப்பேசியில் முந்தானை நனைய நனைய அழுது நடித்தார் இனியா. ஆறுதலுக்கு நாலு வார்த்தை சொல்ல ரசிகர்கள் தியேட்டர் பக்கம் எட்டிப் பார்க்கவில்லை. தமிழில் ஒன்றிரண்டு துக்கடா படங்கள் மட்டுமே கைவசமுள்ளன. அதிலும் மாசாணி படத்தில் இவரின் நிலை ரொம்பப் பரிதாபம்.

கால் நூற்றாண்டுக்கு முன்னால் இளைஞனாக இருந்த ராம்கி மாசாணியில் மீண்டும் திறமை காட்டுகிறார். அத்துடன் ரிட்டையர்ட்மெண்டை நெருங்கும் ரோஜாவும் படத்தில் உண்டு. இவர்களுக்கு நடுவில் இனியா.

இதுவொரு திகில் படம். மாசாணியாக இனியா நடிக்கிறார்.

ராம்கிக்கு நியாயமாக இனியாவின் அப்பா ரோல்தான் சரியாக இருக்கும். காலக்கொடுமை… அவர்தான் இனியாவின் காதலர். ராம்கி ரொம்ப சீனியர், எனக்கு நிறைய டிப்ஸ் தந்தார் என்றெல்லாம் எடுத்துவிடுகிறார் இனியா.

அநியாயத்துக்கு நல்லவங்களா இருக்கீங்களே மேடம்.