திகில் காட்சிகளுடன் உருவாகியுள்ளது யார் இவள்?

சென்னை : விஜய் என்டர்டெயின்மென்ட்ஸ் சார்பில் பி.துரை தயாரிக்கும் படம், ‘யார் இவள்?’. இது மலையாளத்தில் ‘ரத்த ராட்சஸு’ பெயரில் உருவாகிறது. அனன்யா மற்றும் நியாஷ், மது, கவுரி நடிக்கின்றனர். ஒளிப்பதிவு, கே.பி.நம்பியாத்ரி. இசை, முஹமது அலி.

வசனம், எம்.ராஜேஷ். கதை, திரைக்கதை எழுதி ஆர்.பேக்டர் இயக்குகிறார். அவர் கூறும்போது, ‘நாவல் எழுதுவதற்காக தன் மனைவி அனன்யா மற்றும் மகளுடன் தீவுக்குச் செல்கிறார் ஹீரோ. மந்திரவாதி ஒருவனால் பாலியல் பலாத்காரம் செய்யப்பட்ட ருத்ரமோகினி அங்கு வருகிறாள். பிறகு என்ன நடக்கிறது என்பது கதை. 3டி தொழில்நுட்பம் மற்றும் 7.1 ஒலி அமைப்பில், திகில் காட்சிகளுடன் படம் உருவாகியுள்ளது’ என்றார்.