தாத்தா வேடத்தில் பாண்டியராஜன்

நடிகரும், இயக்குநருமான ஆர். பாண்டியராஜன், விண்மீன்கள் திரைப்படத்தில் தாத்தா வேடத்தில் நடித்துள்ளார். இப்படத்தில் இயக்குநர் ஷங்கர், விஷ்வா ஆகியோர் முக்கிய பாத்திரங்களில் நடிக்கின்றனர்.

விண்மீன்கள் படத்தில் நடித்த அனுபவம் பற்றி கூறிய பாண்டியராஜன், இந்த வாய்ப்பை அளித்த இயக்குநர் விக்னேஷ் மேனனுக்கு முதலில் என் நன்றியை தெரிவித்துக் கொள்கிறேன். இதில் என்னுடைய கதாபாத்திரம் மிகவும் வித்தியாசமாக இருக்கும். நான் வரும் பல காட்சிகள் ஊட்டி மலைப்பகுதிலேயே படமாக்கப்பட்டுள்ளன. இது வழக்கமான கதையல்ல. வித்தியாசமான கதை. திரைப்படம் வெளிவந்தால் நிச்சயம் ரசிகர்களுக்குப் பிடிக்கும் வகையில் இருக்கும் என்றார் பாண்டியராஜன்.

இப்படித்தை மானஸ் பில்ம் கார்ப்பரேஷன் தயாரிக்கிறது. ஜுபின் இசையில், நா. முத்துக்குமாரின் வரிகளில் பாடல்கள் இடம்பெற்றுள்ளன.