சின்னத்திரை கேம் ஷோவில் நடிகர் சூர்யா

பெரியத்திரை கதாநாயகன் தற்போது சின்னத்திரையில் தோன்றி ஒவ்வொரு வீட்டின் வரவேற்பறையிலும் அமர்ந்து கொண்டு நீங்களும் வெல்லலாம் ஒரு கோடி என்று அழைக்கப் போகிறார் பிப்ரவரி 27ம் தேதியில் இருந்து.

ஆம், விஜய் டிவியில் புதிதாக ஒளிபரப்பாக உள்ள கேம் ஷோ தான் நீங்களும் வெல்லலாம் ஒரு கோடி நிகழ்ச்சி. இதனை நடத்தவிருப்பவர் நமது சூர்யாதான். ஏற்கனவே விளம்பரங்கள் வாயிலாக சின்னத்திரையில் தலைகாட்டி விட்ட சூர்யா, தற்போது நிகழ்ச்சி ஒன்றின் மூலமாகவும் சின்னத்திரையில் கால்பதிக்கிறார்.

கோவை, திருச்சி, சென்னை நகரங்களில் நடத்தப்பட்ட போட்டியாளர்களின் தேர்வில், பொது அறிவுக் கேள்விகளுக்கு பதிலளித்தவர்கள் தேர்வு செய்யப்பட்டு நிகழ்ச்சியில் பங்கேற்க வைக்கப்பட்டுள்ளனர். இந்நிகழ்ச்சி பிப்ரவரி 27ம் தேதி முதல் ஒளிபரப்பாக உள்ளது.

ஒரு மிகப்பெரிய பட்ஜெட் படம் வெளியாகும் போது இருக்கும் டென்ஷனை விட எனக்கு அதிக டென்ஷன் உள்ளது. நிச்சயம் இந்நிகழ்ச்சியை சிறப்பாக கொண்டு செல்வோம் என்ற நம்பிக்கை இருக்கிறது என்கிறார் சூர்யா.

பார்ப்போம்.. ஒரு கோடி வெல்லப்போவது யார் என்று...