உயரத்தில் பறக்கிறதாம் கழுகு

பல்வேறு போராட்டங்களுக்குப் பிறகு கடந்த வெள்ளிக்கிழமையன்று திரைக்கு வந்த கழுகு படம் தமிழ் சினிமா ரசிகர்களை அதிகமாக கவர்ந்திருப்பதாக தகவல்கள் கிடைத்துள்ளன.

சென்னையில் படம் வெளியான அன்று வெறும் 17 திரையரங்குகளில் மட்டும் திரையிடப்பட்ட கழுகு படம், தற்போது 25 திரையரங்குகளில் இடம்பிடித்துள்ளது. இதேப்போல, தொலைக்காட்சிகளின் சினிமா தரவரிசைப் பட்டியலிலும் கழுகு நல்ல இடத்தைப் பிடித்துள்ளது.

பல ஊர்ப்பகுதி திரையரங்குகளில், கழுகு படப் பாடல்களுக்கு நல்ல வரவேற்பு இருப்பதாகவும், ரசிகர்கள் திரையரங்குகளில் ஆட்டம் போடுவதாகவும் கூறப்படுகிறது.

கழுகு என்று பெயர் வைத்துக் கொண்டு தாழவா பறக்க முடியும்.. உயரத்தில்தான் பறக்கிறதாம் கழுகு.