ஏப்ரல் 6ல் ஒரு கல் ஒரு கண்ணாடி

உதயநிதி ஸ்டாலின் - ஹன்சிகா நடித்துள்ள ஒரு கல் ஒரு கண்ணாடி திரைப்படம் ஏப்ரல் 6ம் தேதி வெளியாகும் என்று அறிவிக்கப்பட்டுள்ளது. இது ஏற்கனவே தெரிந்த செய்தியாக இருந்தாலும், இப்படத்திற்கு மொத்தம் 450 பிரிண்ட்கள் போடப்பட்டுள்ளது என்பதுதான் புதிய தகவல்.

ஒரு புதிய நடிகர் நடித்து வெளியாகும் ஒரு படத்திற்கு இவ்வளவு பிரிண்ட்கள் போடப்பட்டிருப்பது இதுவே முதல் முறை.

ஹாரிஸ் ஜெயராஜ் இசையமைத்துள்ள இப்படத்தின் பாடல்கள் ஹிட்டாகியுள்ளன. சந்தானம் காமெடிப் பாகத்தைக் கவனித்துக் கொள்ள, ஆர்யாவும் சில காட்சிகளில் தலைகாட்டியுள்ளார்.

யு சான்றிதழ் பெற்றுள்ள இப்படம் இயக்குநர் ராஜேஷின் முந்தைய படங்களைப் போலவே காமெடியான பொழுதுபோக்குப் படமாக இருக்கும்.