நடிகை சரோஜா காலமானார்

சென்னை, ஏப். 2: மறைந்த நகைச்சுவை நடிகர் தங்கவேலுவின் மனைவியும், திரைப்பட நடிகையுமான எம்.சரோஜா (82) சென்னையில் திங்கள்கிழமை காலமானார்.

சென்னை தியாகராயநகரில் குடும்பத்துடன் வசித்து வந்த அவர், கடந்த சில மாதங்களாகவே உடல் நலக்குறைவால் அவதிப்பட்டு வந்தார். இந்நிலையில், அவர் திங்கள்கிழமை காலமானார்.

அவரது இறுதிச் சடங்கு செவ்வாய்க்கிழமை நடைபெறுகிறது. கல்யாணப்பரிசு, அறிவாளி, வணங்காமுடி உள்ளிட்ட படங்களில் அவர் நடித்துள்ளார்.

தமிழ், இந்தி, தெலுங்கு, கன்னடம் ஆகிய மொழிகளில் அவர் நடித்த படங்களின் எண்ணிக்கை 300-க்கும் அதிகமாகும்.