நடிகை மைனாவதி காலமானார்

தமிழ், கன்னடம், தெலுங்கு உள்ளிட்ட பல்வேறு மொழிகளில் நடித்துள்ள பழம்பெரும் நடிகை மைனாவதி (77), சனிக்கிழமை அதிகாலை மாரடைப்பால் காலமானார்.

மைனாவதி, தென்னிந்தியாவின் பழம்பெரும் நடிகையாகத் திகழ்ந்த பண்டரிபாயின் சகோதரி. அவருக்கு மகன் குருதத், மகள் காயத்ரி உள்ளனர்.

பெங்களூர் பசவேஸ்வர நகரில் உள்ள மகன் வீட்டில் தங்கியிருந்த மைனாவதி, வெள்ளிக்கிழமை பத்மநாப நகரில் உள்ள தனது மகள் வீட்டுக்குச் சென்றார். மாலையில் கை வலிப்பதாகக் கூறியதை அடுத்து, பிஜிஎஸ் குளோபல் மருத்துவமனையில் அவர் அனுமதிக்கப்பட்டார். அங்கு சனிக்கிழமை அதிகாலை மாரடைப்பால் மரணமடைந்தார்.

அவரது மறைவுக்கு கன்னட நடிகர்கள், நடிகைகள், தலைவர்கள் இரங்கல் தெரிவித்துள்ளனர். தமிழில் "மாலையிட்ட மங்கை' படத்தில் இடம்பெற்ற "அவள் செந்தமிழ் தேன்மொழியாள்' பாடல் மூலம் பிரபலாமானவர்