காலமானார் நடிகை எம்.பானுமதி

நடிகை எம்.பானுமதி (67) சென்னையில் திங்கள்கிழமை காலமானார். மஞ்சள் காமாலை நோயால் அவர் பாதிக்கப்பட்டிருந்தார்.

"தில்லானா மோகனாம்பாள், "காதல் ஜோதி' உள்ளிட்ட 50-க்கும் மேற்பட்ட படங்களில் குணச்சித்திர வேடங்களில் நடித்த இவர், அண்மைக் காலமாக சீரியல்களில் நடித்து வந்தார்.

வெங்கடலட்சுமி என்ற மகள் மட்டும் உள்ளார். தேனாம்பேட்டையில் உள்ள அவரது இல்லத்தில் வைக்கப்பட்டிருந்த எம்.பானுமதியின் உடலுக்கு திரையுலகினர் மற்றும் சின்னத்திரை நட்சத்திரங்கள் பலர் அஞ்சலி செலுத்தினர்.

கிருஷ்ணாம்பேட்டை மயானத்தில் செவ்வாய்க்கிழமை காலை உடல் தகனம் நடக்கிறது. தொடர்புக்கு: 94440 - 61252.