தங்கர்பச்சான் இயக்கும் அம்மாவின் கைபேசி

இயக்குநர் தங்கர்பச்சான் அடுத்து இயக்க உள்ள படத்துக்கு அம்மாவின் கைபேசி என்று பெயரிடப்பட்டுள்ளது. இப்படத்தில் இயக்குநர் பாக்யராஜின் மகன் சாந்தனு கதாநாயகனாக நடிக்க, அவருக்கு ஜோடியாக நடிகை இனியா நடிக்கிறார்.

வாகை சூட வா படத்தில் மிகச் சிறப்பாக நடித்து தமிழ் ரசிகர்களின் மனதில் இடம்பிடித்துவிட்ட இனியா, இப்படத்தில் கல்லூரி மாணவியாக நடிக்கிறாராம். இப்படத்திலும் சிறப்பாக நடித்து ரசிகர்களின் பாராட்டுக்களை பெறுவேன் என்கிறார் இனியா நம்பிக்கையுடன்.

சில காலம் எந்த திரைப்படத்திலும் நடிக்காத சாந்தனு இப்படம் தனக்கு ஒரு நல்ல பெயரை வாங்கிக் கொடுக்கும் என்று கூறுகிறார்.