ஹாலிவுட்டில் உருவாகும் பொம்மலாட்டம்

ஒரு ஆணை, பெண்ணாக நடிக்க வைத்து படம் எடுப்பதும், அதில் வரும் பிரச்சினைகளும், இறுதியாக தான் அறிமுகப்படுத்திய கதாநாயகி கார் விபத்தில் இறப்பதாக நாடகமாடி, அந்த இளைஞனை அவனது உலகுக்கே திருப்பி அனுப்புவது பொம்மலாட்டம் படத்தின் கதை.

நானா படேட்கர், அர்ஜூன், காஜல் அகர்வால், ருக்மணி, மணிவண்ணன் ஆகியோர் நடிப்பில் பாரதிராஜா இயக்கிய பொம்மலாட்டம் திரைக்கதை தற்போது ஹாலிவுட்டில் தயாராக உள்ளது.

இது குறித்து பாரதிராஜா கூறுகையில், என்னுடைய 4 அமெரிக்க நண்பர்கள், இப்படத்தை தயாரிக்கிறார்கள். நானாபடேட்கர் கதாபாத்திரத்தில், ஹாலிவுட் நடிகர் சாமுவேல் ஜாக்சன் நடிப்பார். அர்ஜுன் கதாப்பாத்திரத்தில் எனது நண்பரது மகன் நடிக்க உள்ளார். ஹாலிவுட்டுக்கு ஏற்ற வகையில் படத்தின் திரைக்கதையை மாற்றியுள்ளேன்.

அன்னக்கொடியும், கொடிவீரனும் படப்பிடிப்பு முடிந்ததும், பொம்மலாட்டத்துக்கான படப்பிடிப்பு துவங்கும் என்று தெரிவித்துள்ளார்.