அதிக முத்தக் காட்சிகள் இடம்பெற்றுள்ள பாடல்

தென்மேற்குப் பருவக்காற்று திரைப்படத்தை தொடர்ந்து சீனுராமசாமி இயக்கும் படம் நீர்ப்பறவை. விஷ்ணு நடிக்கும் இந்தப் படத்தில் அவருக்கு ஜோடியாக சுனேனா நடிக்கிறார். படத்தில், அனைத்துப் பாடல்களையும் வைரமுத்துவே எழுதியிருக்கிறார். அதில் ஒன்றுதான் "தேவன் மகளே தேவன் மகளே, சிலுவைக்காடு பூத்தது போல சிறியேன் வாழ்வைப் பூக்க வைத்தாயே...' என்ற பாடல். இந்தப் பாடலை விவிலிய வரிகளிலிருந்து எழுதியிருக்கிறார். ரகுநந்தன் இசையில் பிரசன்னா, சைந்தவி ஆகியோர் பாடலை பாடியுள்ளனர். பாடலுக்கு நடன இயக்குநர் காதல் கந்தாஸ் நடனம் அமைத்துள்ளார். இதுவரை வெளிவந்த தமிழ்த் திரைப்படங்களிலேயே அதிக முத்தக் காட்சிகள் இடம்பெற்றுள்ள பாடல் இது என்பதுதான் இதன் சிறப்பம்சம்.