வைரமுத்துவின் அதிக முத்தப் பாடல்

சீனு ராமசாமியின் நீர்ப்பறவையில் வைரமுத்து எழுதியிருக்கும் பாடலொன்று தமிழ் சினிமா ச‌ரித்திரத்தில் இடம் பிடிக்கும் வாய்ப்புள்ளது. வார்த்தையே இல்லாமல் எழுதியிருக்கிறாரா என்று கேட்கலாம். அப்படியில்லை, இது முத்த சமாச்சாரம்.


கிறிஸ்தவ மீனவர்களை நீர்ப்பறவையில் அதிகம் காண்பிப்பதால் படத்தின் பாடல்கள் அனைத்தையும் விவிலிய வார்த்தைகளில் அல்லது அதேபோன்ற வார்த்தைகளில் எழுதியிருக்கிறார். அதிலொரு பாடல்...

தேவன் மகளே தேவன் மகளே
சிலுவைக்காடு பூத்தது போல
சிறியேன் வாழ்வை பூக்க வைத்தாயே...

இந்தப் பாடலில் படத்தின் நாயகனும் நாயகியும் கன்னா பின்னாவென்று முத்தமிடுவது போல் எடுத்திருக்கிறாராம் சீனு ராமசாமி. தமிழ் சினிமாவில் இந்தப் பாடல் அதிக முத்தங்கள் கொண்டதாக இருக்கும் என்பது அவ‌ரின் கணிப்பு.

ஒரு மீனவனை சிலுவைக்காடு பூத்தது போல்... சிறியோன் வாழ்வு என்றெல்லாம் பாட வைத்த கவிப்பேரரசின் சாதனைக்கு இது ஈடாகுமா.