டாப்சியின் முத்தக் காட்சிக்கு சென்சார் தடை

பிரபல தெலுங்கு நடிகர் மோகன்பாபுவின் மகள் லட்சுமி மஞ்சு தயாரிக்கும் தெலுங்கு படம் “கொண்டேலு கோதாவரி”. தமிழில் “மறந்தேன் மன்னித்தேன்” என்ற பெயரில் தயாராகிறது. ஆதி, டாப்ஸியுடன் லட்சுமி மஞ்சும் நடிக்கிறார். 1986ம் ஆண்டு ஆந்திராவில் உள்ள கோதாவரி ஆற்றில் ஏற்பட்ட வெள்ளப்பெருக்கில் ஆயிரக்கணக்கானோர் இறந்தனர். இந்த பின்னணியில் படத்தின் கதை பின்னப்பட்டுள்ளது. குமார் நாகேந்திரா இயக்குகிறார். பிப்ரவரி மாதம் படம் வெளிவர இருக்கிறது. தெலுங்கு படத்தை பார்த்த தணிக்கை குழுவினர் படத்திற்கு யு/ஏ சான்றிதழ் கொடுத்துள்ளனர். படத்தில் இடம்பெற்றுள்ள ஆதி டாப்ஸியின் படுக்கை அறை காட்சியின் நீளத்தை குறைக்க சொன்னதோடு, அதில் இடம் பெற்றிருந்த உதட்டுடன் உதடு பதிக்கும் குளோஸ்-அப் முத்தக்காட்சியையும் நீக்கச் சொல்லிவிட்டனர். தமிழில் இன்னும் தணிக்கை செய்யப்பட வில்லை. தமிழ்நாட்டு சென்சார் அனுமதிப்பார்களா? அவர்களும் தடை விதிப்பார்களா என்று தெரியவில்லை.