மணிரத்தினம் படத்தில் மலையாள நகைச்சுவை நடிகர் பைஜூ

மணிரத்தினம் படத்தை பொறுத்தவரை நகைச்சுவை நடிகரை காண்பது அரியது. அப்படியிருந்தும் அலைபாயுதே திரைப்படத்தில் நடித்த விவேக், அதில் நகைச்சுவை வேடத்திற்கு பதிலாக கதாபாத்திரம் ஒன்றில் நடித்திருப்பார். இந்நிலையில் மணிரத்தினம் தற்போது இயக்கி வரும் கடல் படத்தில் புதிதாக நகைச்சுவை நடிகர் பைஜூ நடிக்கவுள்ளார். இவர் மலையாள திரையுலகைச் சேர்ந்த நகைச்சுவை நடிகர். தன்னுடைய இயற்கையான நடிப்பு திறமையை அறிந்த மணிரத்தினம் கடல் படத்தில் நடிக்க வாய்ப்பு அளித்திருப்பதாக பைஜூ கூறினார். நடிகர் கார்த்திக்கின் மகன் கௌதம் முதன் முறையாக கடல் திரைப்படத்தின் மூலம் கதாநாயகனாக அறிமுகமாகிறார் என்பது குறிப்பிடத்தக்கது.