நீதானே என் பொன்வசந்தம் படத்தில் பள்ளி மாணவனாக ஜீவா

முகமூடி திரைப்படத்தை தொடர்ந்து ஜீவா நடிப்பில் வெளி வர இருக்கும் திரைப்படம் நீதானே என் பொன்வசந்தம். கௌதம் மேனன் இயக்கியுள்ளார். இளையராஜா இசையமைத்துள்ளார். கௌதம் மேனன்-இளையராஜா கூட்டணி முதன் முறையாக இப்படத்தின் மூலம் கைகோர்த்திருப்பதால் படம் தொடங்கியதில் இருந்தே இசை மீது எதிர்பார்ப்பு இருந்தது. இந்த எதிர்பார்ப்பை இளையராஜா பூர்த்தி செய்திருக்கிறார். படத்தின் பாடல்கள் ரசிகர்கள் மத்தியில் நல்ல வரவேற்பை பெற்றுள்ளது. இது குறித்து ஜீவா கூறியதாவது: நான் நடித்திருக்கும் நீதானே என் பொன்வசந்தம் திரைப்படம் விரைவில் திரைக்கு வர இருக்கிறது. இப்படத்திற்காக என்னுடைய உடல் எடையை குறைத்து பள்ளி மாணவனாக நடித்துள்ளேன். மேலும் தன்னுடைய முந்தைய படமான முகமூடி திரைப்படம் தயாரிப்பாளர், விநியோகஸ்தர்கள் ஆகியோரை திருப்திபடுத்தியுள்ளது .