இணையத்தில் நீதானே என் பொன்வசந்தம்

விஸ்வரூபம் படத்தை இணையத்திலும், தொலைக்காட்சியிலும் ஒரேநாளில் கமல் வெளியிடப் போகிறார் என்று களேபரமாக இருக்கிறது. இந்நிலையில் நீதானே என் பொன்வசந்தம் படத்தின் காட்சிகளை இணையத்தில் வெளியிடுகிறார் கௌதம் வாசுதேவ மேனன்.

டிசம்பர் 14ஆம் தேதி நீதானே என் பொன்வசந்தம் வெளியாகிறது. எப்படியும் படத்தை வெற்றிபெறச் செய்தாக வேண்டும் என்ற நெருக்கடியில் இருக்கிறார் கௌதம். படத்தின் பாடல்களை வைத்து பிரமாண்டமாக விளம்பரம் செய்து வந்தவர் அடுத்ததாக இணையத்தை கையிலெடுத்திருக்கிறார். நித்யா (சமந்தா), வருண் (‌‌ஜீவா) இருவ‌ரின் 30 வருட காதலை இரண்டரை மணிநேரத்தில் சொல்லிவிட முடியாது. அதனால் படத்தில் இடம்பெறாத சில காட்சிகளை இணையத்தில் வெளியிடுவதாக கௌதம் தெ‌ரிவித்துள்ளார்.

இந்த புதிய முயற்சி படத்தின் மீதான எதிர்பார்ப்பை அதிக‌ரிக்கும் என்பது அவ‌ரின் நம்பிக்கை.

இளையராஜா இசையமைத்திருக்கும் இந்தப் படத்தின் பாடல்களை நா.முத்துக்குமார் எழுதியுள்ளார்.