டிசம்பரில் தேதி தேடும் விஸ்வரூபம் படக்குழு

உலக நாயகன் கமலஹாசன் நடித்துள்ள விஸ்வரூபம் படத்தை வெளியிட டிசம்பர் மாதத்தில் ஒரு தேதியை தேடி வருகிறது படக்குழு.

விஸ்வரூபம் படம் ஒவ்வொரு மொழியிலும் ஒவ்வொரு நாளில் வெளியாகிறது, உலகம் முழுவதும் ஒரே தேதியில் வெளியிடப்பட உள்ளது என பல்வேறு வகையான தகவல்கள் வந்த வண்ணம் உள்ளது.

இந்த நிலையில், உலகம் முழுவதும் ஒரே நாளில் வெளியிட விஸ்வரூபம் படக்குழு, டிசம்பர் மாதத்தில் ஒரு தேதியை ஆலோசித்து வருவதாக தற்போது புதிதாக ஒரு தகவல் வெளியாகியுள்ளது.

முன்னதாக ரஜினிகாந்த் நடித்துள்ள கோச்சடையான் படம் டிசம்பர் மாதம் வெளியாவதாக திட்டமிடப்பட்டிருந்தது. ஆனால் கிராபிக்ஸ் வேலைகள் இன்னும் முடிவடையாததால், கோச்சடையான் வெளியீடு ஜனவரிக்கு தள்ளிப்போயுள்ளது.

எனவே, அந்த வெற்றிடத்தை நிரப்ப விஸ்வரூபம் படக்குழு திட்டமிட்டுள்ளது.

நவம்பர் 7ம் தேதி கமலஹாசனின் பிறந்தநாள் அன்று விஸ்வரூபம் படப் பாடல்கள் வெளியீடு நடைபெற உள்ள நிலையில், டிசம்பர் மாதம் கமலஹாசனின் ரசிகர்களுக்கு நிச்சயம் விருந்தாக அமையும் என்று எதிர்பார்க்கலாம்.