வல்லினம் படத்துக்காக ரூ.2 கோடியில் கூடைப்பந்து உள்விளையாட்டு அரங்கம்

ஈரம் திரைப்படத்துக்குப் பிறகு அறிவழகன் இயக்கும் திரைப்படம் வல்லினம். காதலில் விழுந்தேன் திரைப்படத்தில் நடித்த நகுல் நடிக்கிறார். அவருக்கு ஜோடியாக மிருதுலா பாஸ்கர் நடித்துள்ளார். ஆஸ்கர் பிலிம்ஸ் தயாரிக்கிறது. விளையாட்டு போட்டிகளை பின்னணியாகக் கொண்டு கதை அமைக்கப்பட்டுள்ளது. கதையில் நாயகன் கூடைப்பந்து வீரராக வருகிறார். அண்மையில் படத்தின் கிளைமேக்ஸ் காட்சி சென்னை தி.நகரில் உள்ள விளையாட்டு மைதானத்தில் படம்பிடிக்கப்பட்டது. சுமார் ரூ.2 கோடி செலவில் கூடைப்பந்து உள்விளையாட்டு அரங்கம் ஒன்றை அமைத்து அதில் கிளைமேக்ஸ் காட்சியை எடுத்துள்ளனர்.