ஒரே ஆண்டில் 100க்கும் அதிகமான பாடல்கள்: நா.முத்துக்குமார் சாதனை

ஒரே ஆண்டில் அதிக பாடல்களை எழுதி சாதனை படைத்துள்ளார் பாடலாசிரியர் நா.முத்துக்குமார்.

இவர் இந்த ஆண்டு மட்டும் 34 படங்களில் 103 பாடல்களை எழுதியிருக்கிறார். அதில் கிட்டதட்ட 40 பாடல்கள் ஹிட் பாடல்கள்.

கவிஞர் கண்ணதாசனில் இருந்து தற்போது உள்ள வாலி, வைரமுத்து வரை யாருமே ஒரே ஆண்டில் 100க்கும் மேற்பட்ட பாடல்களை எழுதியதில்லை. ஆனால் பாடலாசிரியர் நா.முத்துக்குமார் முதன்முறையாக இந்த சாதனையை நிகழ்த்தியுள்ளார். இவர் பெரும்பாலான படங்களில் முழு பாடல்களையும் எழுதியுள்ளார். குறிப்பாக ஒரு கல் ஒரு கண்ணாடி, வேட்டை, நீதானே என் பொன் வசந்தம், பில்லா 2, தாண்டவம், விண்மீன்கள், படம் பார்த்து கதை சொல், அம்புலி, டோனி போன்ற படங்கள் அடங்கும். பாடலாசிரியர் நா.முத்துக்குமார் தற்போது 83 படங்களுக்கு பாடல்கள் எழுதி வருகிறார். இதுவும் சாதனையாக கருதப்படுகிறது.