ஆதிபகவன் திரைப்படத்துக்கு 'ஏ' சான்றிதழ்

ஆதிபகவன் திரைப்படத்துக்கு 'ஏ' சான்றிதழ் வழங்கப்பட்டுள்ளது.

பருத்திவீரன் வெற்றிக்குப் பிறகு அமீர் இயக்கத்தில் மிகுந்த எதிர்பார்ப்பை ஏற்படுத்தி இருக்கும் திரைப்படம் ஆதிபகவன். ஜெயம் ரவி நாயகனாகவும், நீது சந்திரா நாயகியாகவும் நடித்துள்ளனர். யுவன் சங்கர் ராஜா இசையமைத்துள்ளார். தி.மு.க.பிரமுகர் அன்பழகன் தயாரித்துள்ளார். இப்படம் வரும் 22ம் தேதி திரைக்கு வருகிறது. இதனிடையே ஆதிபகவன் திரைப்படம் தணிக்கைக் குழு பரிந்துரைக்கு அனுப்பப்பட்டது. படத்தை பார்த்த தணிக்கை குழுவினர் 'ஏ' சான்றிதழ் வழங்கியுள்ளனர்.

படத்தில் வன்முறை காட்சிகள் அதிகம் இடம்பெற்றிருப்பதால் 'ஏ' சான்றிதழ் வழங்கப்பட்டிருக்கிறது.