ஆதிபகவன் - 18 வயதுக்குட்பட்டவர்கள் அனுமதியில்லை

ஆதிபகவன் படத்தில் வன்முறைக் காட்சிகள் அதிகம் என்பதால் சென்சார் ஏ சான்றிதழ் வழங்கியுள்ளது.

அமீ‌ரின் இரண்டரை வருட புராஜெக்டான ஆதிபகவன் ஒருவழியாக பிப்ரவ‌ரி 22 ‌ரிலீஸாகப் போகிறது. இந்நேரத்தில் சென்சார் மூலமாக இன்னொரு தடை.

ஆதிபகவன் பாங்காங்கை மையமாக வைத்து நடக்கும் ஆக்ஷன், காதல் கதை. ஆக்ஷன் காட்சிகள் அதிகமாக வருகின்றன. குறிப்பாக மனதை பதற வைக்கும் வன்முறை காட்சிகள் படத்தில் இருப்பதாக கூறுகிறார்கள். இந்தக் காட்சிகளை நீக்கினால் மட்டுமே யு சான்றிதழ் தர முடியும் என சென்சார் கூற, அவர்கள் சொல்லும் காட்சிகளை நீக்கினால் படத்தின் டெம்போ போய்விடும் என ஏ சான்றிதழுடன் படத்தை வெளியிட தீர்மானித்திருக்கிறது அமீர் தரப்பு.

ஏ சான்றிதழ் படமென்றால் 18 வயதுக்குட்பட்டவர்கள் படத்தைப் பார்க்க அனுமதியில்லை. பெண்கள் கூட்டமும் வர வாய்ப்பில்லை.

இளைஞர்களால் படம் ஓடினால்தான் உண்டு.
ஆதிபகவன், அமீர், ஜெயம் ரவி, ஏ சான்றிதழ், சென்சார்