மயான கொள்ளையன் வேடத்தில் ஜெயம்ரவி

ஜெயம்ரவி - திரிஷா நடிப்பில் பிரமாண்டமாக உருவாகி வரும் திரைப்படம் பூலோகம்.

ஆஸ்கர் பிலிம்ஸ் தயாரிக்கும் இந்தப் படத்தை கல்யாண் கிருஷ்ணன் இயக்குகிறார். ஸ்ரீகாந்த் தேவா இசையமைக்கிறார். இதன் இறுதிகட்ட படப்பிடிப்பு இப்போது ஹைதராபாத்தில் நடந்து வருகிறது.

அண்மையில் இப்படத்திற்காக சென்னை மாநகரத்தில் அழிந்து விடாமல் இருக்கும் சில குல வழக்கங்களை மையமாகக் கொண்டு சில காட்சிகள் படமாக்கப்பட்டுள்ளன. அதில் தமிழகத்தில் கொண்டாடப்படும் ‘மயான கொள்ளை’ காட்சிகளும் இடம்பெற்றுள்ளன. வடசென்னை பகுதியில் படமாக்கப்பட்ட இம்மயான கொள்ளை காட்சியின் போது நாயகன் ஜெயம் ரவியின் நடிப்பை பார்த்து கூடியிருந்த ரசிகர்கள் பக்திப் பரவசத்துடன் குரல் எழுப்பினார்கள். அப்போது இது படப்பிடிப்பா அல்லது நிஜமான ஒன்றா என்று தெரியாத அளவுக்கு ஜெயம்ரவி மிகுந்த ஈடுபாடுவுடன் கூடிய நடிப்பை பக்தி பரவசத்துடன் வெளிப்படுத்தியுள்ளார்.

படத்தில் இடம்பெற்றுள்ள இந்தக் காட்சி பெண்களை மிகவும் கவரும் என்கிறார் இயக்குனர் கல்யாண் கிருஷ்ணன்.