ஜெயம் ரவி படத்தில் சினிமாவுக்காக மயான கொள்ளை

“ஜெயம் ரவி, த்ரிஷா நடிப்பில், “பூலோகம் என்ற படம் தயாராகி வருகிறது. இந்த படத்தில் இடம் பெற்றுள்ள ஒரு பாடலை, மயான கொள்ளை விழாவில் நடப்பது போல், படமாக்க நினைத்திருந்தாராம், இயக்குனர்.

இதற்காக, செட் போட்டு எடுப்பதை விட, ஒரிஜினலாக, மயான கொள்ளை நடக்கும் தினத்தில், படமாக்க முடிவு செய்தனர்.இதன்படி, சமீபத்தில் சென்னை புறநகர் பகுதியில் நடந்த மயான கொள்ளை நிகழ்ச்சியின்போது, “ஜெயம் ரவி, த்ரிஷா உள்ளிட்ட நட்சத்திரங்களையும், அவர்களுடன் கலக்கச் செய்து, அந்த பாடல் காட்சியை, நேர்த்தியாக படமாக்கியுள்ளனர்.அங்கு வந்திருந்த பலரும், “எது படப் பிடிப்பு, எது ஒரிஜினல் மயான கொள்ளை என, தெரியாமல் குழம்பிப் போய் விட்டனராம்.

அந்த அளவுக்கு, அந்த பாடல் காட்சி, இயற்கையாக படமாக்கப்பட்டுள்ளதாக, படக் குழுவினர், பெருமிதத்துடன் கூறுகின்றனர்.