குத்துப் பாட்டிற்காக இயக்குனரிடம் சண்டை போட்ட சமீரா ரெட்டி!

பிரபல இயக்குனரான பிரியதர்ஷன், ஹிந்தியில் இயக்கி வரும் படம் ‘தேஸ்’. இப்படத்தில் அஜய் தேவ்கன் கதாநாயகனாக நடிக்க, கங்கனா ரணாவத் கதாநாயகியாக நடிக்க, வில்லி வேடத்தில் மட்டுமின்றி ஆக்ஷன் காட்சிகளிலும் முதல் முறையாக சமீரா ரெட்டி நடிக்கிறார். கிளப் டான்சராக வரும் சமீரா இப்படத்தில் கிளாமர் காட்சிகளிலும் கிளுகிளுப்பூட்டுவாராம்.

படத்தில் முக்கிய காட்சியாக குத்து பாடல் ஒன்று இடம்பெறுகிறது. இப்பாடலில் பாலிவுட் முன்னணி நடிகையொருவரை நடிக்க வைக்க திட்டமிட்ட இயக்குனர், பாலிவுட் நடிகையான பிரியங்கா சோப்ராவிடம் கேட்க முடிவு செய்திருந்தார்.

இந்த தகவலை கேள்விப்பட்ட சமீரா, உடனே இயக்குனருக்கு போன் செய்தார். ‘படத்தில் நான் ஒருத்தி இருக்கும்போது என்னை விட்டுவிட்டு மற்றொருவரை எப்படி இந்த பாடலுக்கு நீங்கள் யோசிக்கலாம்’ என்று சண்டையிட்டிருக்கிறார். ஒரே வார்த்தையில் அமைதியான இயக்குனர்,

பிரியங்கா சோப்ராவை நடிக்க வைக்கும் யோசனைக்கு முற்றுப்புள்ளி வைத்ததுடன், ‘அந்த பாடலில் நீதான் நடிக்கிறாய் போதுமா’ என்றாராம். விரைவில் இப்பாடல் காட்சியை சமீராவை வைத்து படமாக்க இருக்கிறாராம் பிரியதர்ஷன்.