168ல் சரிந்தது தென்னாபிரிக்கா – 170 ஓட்டங்களில் இலங்கை முன்னிலை: திலான் சமரவீர அதிரடி

0

இலங்கை அணியுடனான இரண்டாவது ரெஸ்ட் போட்டியில் தனது முதலாவது இன்னிங்ஸிற்காகத் துடுப்பெடுத்தாடிய தென்னாபிரிக்க அணி மிக மோசமான துடுப்பாட்டத்தை வெளிப்படுத்தி 168 ஓட்டங்களுக்கு சகல விக்கெட்களையும் இழந்துள்ளது.

தென்னாபிரிக்க அணி சார்பில் துடுப்பாட்டத்தில் ஹசிம் ஹம்லா மாத்திரம் 54எ ஓட்டங்களைப் பெற்றார்.

பந்து வீச்சில் இலங்கை அணியின் சானக வெலகெதர 5 விக்கெட்களையும் ஹேரத் 4 விக்கெட்களையும் பெற்றனர்.

முன்னதாக தமது முதலாவது இன்னிங்ஸிற்காகத் துடுப்பெடுத்தாடிய இலங்கை அணி சகல விக்கெட்களையும் இழந்து 338 ஓட்டங்களைப் பெற்றது. இலங்கை அணி சார்பில் துடுப்பாட்டத்தில் முன்வரிசை வீரர்கள் எவரும் பெரிதாக சோபிக்காத நிலையில் மத்திய வரிசை துடுப்பாட்ட வீரர் திலான் சமரவீர 102 ஓட்டங்களைப் பெற்று இலங்கை அணியை வலுவான நிலைக்கு கொண்டு சென்றுள்ளார்.

மேலும் தினேஸ் சந்திமால் 58 ஓட்டங்களைப் பெற்று சமரவீரவிற்கு ஒத்துழைப்பு வழங்கியுள்ளார்.

பந்து வீச்சில் தென்னாபிரிக்க அறிமுக வீரர் எம்.டி.லான்ஜே 7 விக்கெட்களை வீழ்த்தி பிரகாசித்துள்ளார்.

இதன்படி இலங்கை அணி தென்னாபிரிக்காவை விட 170 ஓட்டங்கள் முன்னிலையில் உள்ளது.