இந்தியா – இலங்கை போட்டி டையில் முடிந்தது: கம்பீர் 91 ரன்கள்

ஆஸ்திரேலியாவில் நடைபெற்று வரும் 3 நாடுகள் கிரிக்கெட் தொடரின் இன்றைய ஆட்டம் டையில் முடிந்தது. டாஸ் வென்ற இலங்கை அணி முதலில் பேட்டிங்கை தேர்வு செய்தது.

இதனையடுத்து களமிறங்கிய இலங்கை அணி நிர்ணயிக்கப்பட்ட 50 ஒவர்களில் 9 விக்கெட் இழப்புக்கு 236 ரன்கள் எடுத்தது. இலங்கை அணியில் அதிகபட்சமாக சண்டிமால் 81 ரன்களும், ஜெயவர்த்தனே 43 ரன்களும் எடுத்தனர்.

இந்திய தரப்பில் வினய் குமார் 3 விக்கெட்டுக்களையும், அஸ்வின் 2 விக்கெட்டுக்களையும், இர்பான் பதான் ஒரு விக்கெட்டையும் வீழ்த்தினர்.

237 ரன்கள் எடுத்தால் வெற்றி என்ற இலக்குடன் ஆடிய இந்திய அணி 50 ஓவர் முடிவில் 9 விக்கெட்டுக்களை இழந்து 236 ரன்கள் எடுத்து ஆட்டத்தை சமன் செய்தது.

யாருக்கும் வெற்றி தோல்வி இன்றி முடிந்த இந்த போட்டி ரசிகர்களை பெரும் பரபரப்பில் ஆழ்த்தியது. தோனி கடைசி வரை ஆட்டமிழக்காமல் 58 ரன்கள் எடுத்திருந்தார். இந்திய அணியில் அதிகபட்சமாக கம்பீர் 91 ரன்கள் எடுத்து ரன் அவுட் ஆனார்.