இலங்கை இந்தியாவுக்கு 290 ஓட்டங்கள் இலக்கு: திரிமான்ன 62 ஓட்டங்கள்

அவுஸ்திரேலியாவில் நடைபெற்று வரும் சிபீ கிண்ண முக்கோண ஒருநாள் தொடரின் 8வது போட்டி இலங்கை – இந்திய அணிகளுக்கு இடையில் தற்சமயம் பிரிஸ்பேன் மைதானத்தில் இடம்பெற்று வருகிறது.

போட்டியின் நாணயச் சுழற்சியில் வெற்றிபெற்று முதலில் துடுப்பெடுத்தாடிய இலங்கை அணி 50 ஓவர்கள் நிறைவில் 06 விக்கெட்டுக்களை இழந்து 289 ஓட்டங்களைப் பெற்றது.

இதில் இலங்கை அணி சார்பில் திரிமான்ன 62 ஓட்டங்களையும், தில்ஷான் 51 ஓட்டங்களையும் மஹேல ஜயவர்த்தன 45 ஓட்டங்களையும் மெத்தியூஸ் 49 ஓட்டங்களையும் பெற்றனர்.

பந்து வீச்சில் இந்திய அணி சார்பில் பதான் மற்றும் அஷ்வின் ஆகியோர் தலா 2 விக்கெட்டுக்களை வீழ்த்தினர்.

போட்டியில் வெற்றிபெற வேண்டுமாயின் இந்திய அணி 290 ஓட்டங்களைப் பெற வேண்டும்.