இருபது20 போட்டியில் பாகிஸ்தானை வென்றது இலங்கை அணி

பாகிஸ்தானுடனான முதலாவது இருபது20 போட்டியில் இலங்கை அணி 37 ஓட்டங்களால் வெற்றியீட்டியுள்ளது.

ஹம்பாந்தோட்டையில் நடைபெற்ற இப்போட்டியில் முதலில் துடுப்பெடுத்தாடிய இலங்கை அணி 20 ஓவர்களில் 7 விக்கெட் இழப்பிற்கு 132 ஓட்டங்களைப்பெற்றது.

திசேர பெரேரா 16 பந்துகளில் ஆட்டமிழக்காமல் 32 ஓட்டங்களையும் லாஹிரு திரிமான்ன 25 பந்துகளில் 30 ஓட்டங்களையும் பெற்றனர்.

பாகிஸ்தான் பந்துவீச்சாளர்களில் சொஹைல் தன்வீர் 13 ஓட்டங்களுக்கு 3 விக்கெட்டுகளை வீழ்த்தினார்.

பதிலுக்குத் துடுப்பெடுத்தாடிய பாகிஸ்தான் அணி 17.420 ஓவர்களில் 95 ஓட்டங்களுடன் சகல விக்கெட்டுகளையும் இழந்தது. அஹமட் ஷெஹ்ஸாட் 42 பந்துகளில் 36 ஓட்டங்களைப் பெற்றார்.

இலங்கை அணி பந்துவீச்சாளர்களில் லஷித் மாலிங்க 11 ஓட்டங்களுக்கு 2 விக்கெட்டுகளையும் , நுவன் குலசேகர 13 ஓட்டங்களுக்கு 2 விக்கெட்டுகளையும், சசித்ர சேனநாயக்க 20 ஓட்டங்களுக்கு 2 விக்கெட்டுகளையும் வீழ்த்தினர்.