ஒலிம்பிக்கில் இதுவரை வெல்லப்பட்ட பதக்க நிலவரங்கள்!

லண்டன் ஒலிம்பிக் போட்டிகளில் பதக்கங்களின் பட்டியலில் சீனா தொடர்ந்தும் முதலிடத்தில் காணப்படுகிறது. அத்தோடு சீனா தனது முதலிடத்தை உறுதியாகத் தக்க வைத்துக் கொண்டுள்ளது.

சீனா 34 தங்கங்கள்இ 21 வெள்ளிகள், 18 வெண்கலங்களோடு 73 மொத்தப் பதக்கங்களை பெற்று முதலிடத்தில் காணப்படுகிறது. 31 தங்கங்கள், 19 வெள்ளிகள், 14 வெண்கலங்களோடு நேற்றைய நாளை ஆரம்பித்த சீனா 3 தங்கங்கள், 2 வெள்ளிகள், 4 வெண்கலங்களை நேற்று மேலதிகமாக வென்று கொண்டது.

29 தங்கங்கள், 15 வெள்ளிகள், 19 வெண்கலங்களோடு நேற்றைய நாளை ஆரம்பித்த ஐக்கிய அமெரிக்கா மேலதிகமாக ஒரு தங்கங்கள், 4 வெள்ளிகள், 2 வெண்கலங்களை பெற்று 20 தங்கங்கள், 19 வௌளிகள், 21 வெண்கல பதக்கங்களோடு 70 மொத்த பதக்கங்களை பெற்று இரண்டாவது இடத்தில் காணப்படுகிறது.

பிரித்தானியா தொடர்ந்தும் முன்னேறியவாறு 22 தங்கங்கள், 12 வெள்ளிகள், 13 வெண்கலங்களோடு 48 மொத்த பதக்கங்களை பெற்று 3ஆவது இடத்திலும் தென் கொரியா 12 தங்கங்கள், 5 வெள்ளிகள், 6 வெண்கலங்களோடு 23 மொத்த பதக்கங்களை பெற்று 4ஆவது இடத்திலும், 10 தங்கங்கள், 18 வெள்ளிகள், 20 வெண்கலங்களோடு 48 பதக்கங்களை பெற்று ரஷ்யா 5ஆவது இடத்திலும் காணப்படுகிறது.

பிரான்ஸ் 8 தங்கங்களோடு 6ஆவது இடத்திலும் 7 தங்கங்களோடு இத்தாலி 7ஆவது இடத்திலும் ஜேர்மனி மற்றும் கஸகஸ்தான் ஆகியன தலா 6 தங்கங்களோடு முறையே 8ஆவது மற்றும் 9ஆவது இடங்களிலும் நெதர்லாந்து 5 தங்கங்களோடு 10ஆவது இடத்திலும் காணப்படுகின்றன. இதுவரை 40 நாடுகள் ஒரு தங்கத்தையாவது வென்றுள்ளதோடு 73 நாடுகள் ஏதாவதொரு பதக்கத்தையாவது வென்றுள்ளன.