விஸ்வரூபம் பட விவகாரம்: மாலை 4 மணிக்கு முஸ்லிம் அமைப்புகளுடன் பேச்சுவார்த்தை

கமல்ஹாசனின் விஸ்வரூபம் திரைப்படத்தை தமிழகத்தில் வெளியிடுவதில் ஏற்பட்ட சிக்கல் தொடர்பாக பல்வேறு செய்திகள் வெளியாகின. இதுதொடர்பான வழக்கு ஐகோர்ட்டில் திங்கட்கிழமை மீண்டும் விசாரணைக்கு வருகிறது. நேற்று முழுவதும் பத்திரிகையாளர்களுக்கு தன்னிலை விளக்கம் அளித்த கமல் ஹாசன், மும்பையில் படத்தை ரிலீஸ் செய்வதற்காக இன்று அங்கு சென்றுள்ளார்.

இந்நிலையில், முஸ்லிம் அமைப்புகளுடன் கமல்ஹாசன் பேசி இணக்கமான உடன்பாடு ஏற்பட்டால், அதற்கு தமிழக அரசு உறுதுணையாக இருக்கும் என்று முதல்வர் ஜெயலலிதா தெரிவித்தார்.

அதன்படி விஸ்வரூபம் பட விவகாரம் தொடர்பாக, இஸ்லாமிய அமைப்புகளுடன் மாலை 4 மணிக்கு பேச்சுவார்த்தை நடத்தப்படும் என்றும், பிரச்சினை பேசி சுமுகமாக தீர்க்கப்பட்டால் விஸ்வரூபம் படம் உடனடியாக வெளியிடப்படும் என்றும் இயக்குனர் அமீர் கூறினார். இந்த பேச்சுவார்த்தையில் கமல் ஹாசனின் சகோதரர் சந்திரஹாசன் பங்கேற்கிறார்.