2 மகன்கள் உள்ள நடிகை ஜீனத்அமன் 60 வயதில் மறுமணம்

இந்திப்பட உலகின் முன்னாள் பிரபல நடிகை ஜீனத்அமன். 1970-80ம் ஆண்டுகளில் முன்னணி கதாநாயகியாக ஜொலித்தார். நடிகை ஜீனத்அமன் தேவ்ஆனந்த், ராஜ்கபூர், பெரோஸ்கான், நாசிர் உசேன், மனோஜ்குமார், தர்மேந்திரா போன்ற முன்னணி நடிகர்களுடன் நடித்து உள்ளார்.

அவர் நடித்த ஹரே ராமா ஹரே கிருஷ்ணா, யாதோங்கி பாரத் போன்ற படங்கள் மிகப்பெரிய வெற்றியை பெற்றது.

ஜீனத்அமன் புகழ்பெற்று இருந்தபோது நடிகர் சஞ்சய்கானுடன் தொடர்பு இருப்பதாக அப்போது பரபரப்பாக பேசப்பட்டது. அவர் 1985-ம் ஆண்டு மஸ்கர்கான் என்பவரை திருமணம் செய்தார். அவர் 1998-ம் ஆண்டு மரணம் அடைந்தார்.

இந்த நிலையில் 60 வயதான ஜீனத்அமன் மீண்டும் திருமணம் செய்ய முடிவு செய்துள்ளார். விரைவில் அவரது 2-வது திருமணம் நடைபெற உள்ளது. ஜீனத்அமனுக்கு 26 வயதில் அசான் என்ற மகனும், 23 வயதில் ஜகான் என்ற மகளும் உள்ளனர்.

2-வது திருமணம் செய்ய இருப்பது குறித்து 60 வயதான ஜீனத்அமன் கூறியதாவது:-

நான் மீண்டும் திருமணம் செய்ய இருப்பது உண்மைதான். எனது கணவர் இறந்த பிறகு 2 குழந்தைகளுக்காக வாழ்ந்து வந்தேன். மீண்டும் திருமணம் செய்ய விருப்பம் இல்லாமல் இருந்தது.

தற்போது அந்த சிந்தனை என்னை அச்சமூட்டுகிறது. இதனால் எனது வாழ்க்கையில் ஒரு துணையை தேடி வருகிறேன். அவரை பற்றி நான் அதிகமாக கூற விரும்பவில்லை. அவர் இந்தியாவை சேர்ந்தவர். நாங்கள் இருவரும் திருமணம் செய்ய திட்டமிட்டு உள்ளோம். நான் மிகவும் மகிழ்ச்சியாக உள்ளேன். நான் மீண்டும் இளமையாக இருப்பதாக உணர்கிறேன்.

இவ்வாறு ஜீனத்அமன் கூறியுள்ளார்.