குடைமிளகாய் சான்விட்ச்

தேவையான பொருட்கள் :

குடைமிளகாய் - 1
வெங்காயம் - 1
பச்சை மிளகாய் - 2
பிரட் - 8
மிளகுத்தூள் - 1 டீஸ்பூன்
சீஸ் - 2
வெண்ணெய் - தேவையான அளவு
உப்பு - தேவையான அளவு

செய்முறை :

* முதலில் குடைமிளகாய், வெங்காயம் மற்றும் பச்சை மிளகாயை நறுக்கி வைத்துக் கொள்ள வேண்டும்.

* பிரட்டின் முனைகளை வெட்டி அகற்றி விடவும்.

* வாணலியை அடுப்பில் வைத்து அதில் சிறிது வெண்ணெய் விட்டு நறுக்கிய காய்கறிகளை போட்டு சிறிது உப்பைத் தூவி, 2 நிமிடம் வதக்கி இறக்கி விடவும்.

* பிரட்டின் இரண்டு புறமும் வெண்ணெயை தடவி, அதன் மேல் வதக்கிய காய்கறிகளை வைக்கவும்.

* பின் அதன் மேல் சீஸ் துண்டுகளை வைத்து, மிளகுத்தூள் மற்றும் உப்பை தூவவும்.

* ஒரு தவாவை அடுப்பில் வைத்து அதில் இந்த பிரட் துண்டுகளை வைத்து சிறிது வெண்ணெய் விட்டு இருபுறமும் பொன்னிறமாக சூடு செய்யவும்.

* இப்போது சூடான சுவையான குடைமிளகாய் சான்விட்ச் ரெடி!!!