ஹீரோவானது ஏன்? ராஜகுமாரன் விளக்கம்

கோவை : ‘திருமதி தமிழ்’ படத்தை இயக்கி ஹீரோவாக நடிக்கும் ராஜகுமாரன், கோவையில் நிருபர்களிடம் கூறியதாவது: இந்தப் படம் மூலம் நான் நடிகராக அறிமுகமாகிறேன். ‘திருமதி தமிழ்’ படத்தில் தேவயானி ஹீரோயினாக நடிக்கிறார். இது அவருக்கு 75,வது படம். நான் நடிகனாக வேண்டும் என்று நினைத்தது இல்லை. நண்பர்கள் வலியுறுத்தல் காரணமாக நடிக்கிறேன். சட்ட பிரச்னையை மையமாக வைத்து படம் எடுக்கப்பட்டுள்ளது.

பொங்கலுக்கு பிறகு ரிலீஸ் ஆக இருக்கும் இந்தப்படம் எல்லோர் மனதையும் கவரும். இதன் பாடலை கோவையில் வெளியிட்டுள்ளோம். அடுத்து 18 நகரங்களில் வெளியிட உள்ளோம். இவ்வாறு ராஜகுமாரன் கூறினார். தேவயானி, இசையமைப்பாளர் எஸ்ஏ.ராஜ்குமார், மத்திய திரைபட தணிக்கை குழு உறுப்பினர் டி.எம்.ராஜேந்திரன், கவிஞர் விவேகா, ரமேஷ் கண்ணா உடன் இருந்தனர்.