ஒன்பதுல குரு என்ன கதை?

சென்னை : காஸ்மோ அன்ட் பாஸ் பிலிம்ஸ் சார்பில் எஸ்.சிவகுமார், ஆர்.சிவகுமார் தயாரிக்கும் படம், ‘ஒன்பதுல குரு’. வினய், அரவிந்த் ஆகாஷ், சத்யன், பிரேம்ஜி, லட்சுமி ராய், கே.எஸ்.ரவிகுமார், ஷகீலா நடிக்கின்றனர். ஒளிப்பதிவு, செல்லத்துரை. இசை, கே. பாடல்கள்: நா.முத்துக்குமார், மதன் கார்க்கி, ஞானகரவேல். படத்தை இயக்கும் பி.டி.செல்வக்குமார் கூறியதாவது:

ஒருவன் வாழ்க்கையில் எவ்வளவு பெரிய சிக்கல்கள் இருந்தாலும், ஒன்பதில் குரு இருந்தால், அந்த பிரச்னைகள் எளிதில் தீர்ந்துவிடும் என்பார்கள். அதுபோல் ஹீரோ வினய் மற்றும் அவரது நண்பர்கள் வாழ்க்கையில் எதிர்பாராத சிக்கல்கள் ஏற்படுகின்றன. அதிலிருந்து அவர்கள் எப்படி தப்பித்தார்கள் என்பது கிளைமாக்ஸ். இது ‘ஹேங்க்ஓவர்’ படத்தின் இன்ஸ்பிரேஷனில் உருவாகும் படமா என்கிறார்கள்.

அதற்கும், இதுக்கும் எந்த சம்பந்தமும் இல்லை. என் முதல் படம் என்றாலும், வித்தியாசமான கோணத்தில் திரைக்கதை அமைத்து இயக்கியுள்ளேன். ஒளிப்பதிவாளர் செல்லத்துரை, இசையமைப்பாளர் கே ஆகியோரின் பணிகள் படத்துக்கு பெரிய பலம். இதன் பாடல்கள் கண்டிப்பாக பேசப்படும். ஷூட்டிங் முடிந்துவிட்டது. அடுத்த மாதம் படத்தை ரிலீஸ் செய்ய இருக்கிறோம்.