ஆஸ்கர் பரிந்துரையில் பாம்பே ஜெயஸ்ரீயின் தாலாட்டு

சென்னை : ஆஸ்கர் விருதுக்கு ‘லைஃப் ஆஃப் பை’ படம் 11 பிரிவுகளில் பரிந்துரைக்கப்பட்டுள்ளது. இந்த வருடத்துக்கான ஆஸ்கர் விருது வழங்கும் விழா, பிப்ரவரி மாதம் 24,ம் தேதி அமெரிக்காவின் லாஸ் ஏஞ்சல்ஸ் நகரில் நடக்கிறது. இந்த விருதுக்கு பல்வேறு படங்கள் பரிந்துரை செய்யப்பட்டுள்ளன. அதில் ஆங்க் லீ இயக்கிய ‘லைஃப் ஆஃப் பை‘ படம், 11 பிரிவுகளில் ஆஸ்கர் விருதுக்கு பரிந்துரை செய்யப்பட்டுள்ளது.

பாண்டிச்சேரி சிறுவனை பற்றிய கதையான இதில், பாம்பே ஜெயஸ்ரீ பாடிய தமிழ் தாலாட்டுப் பாடலும் விருதுக்கு பரிந்துரைக்கப்பட்டுள்ளது. லுல்லாபி எனத் தொடங்கும் இப்பாடலை இசை அமைப்பாளர் மைக்கேல் தன்னாவுக்காக எழுதி, இசை அமைத்து பாடியிருந்தார் ஜெயஸ்ரீ. இந்தப் பாடல் சிறந்த ஒரிஜினல் பாடல் பிரிவுக்கு பரிந்துரைக்கப் பட்டுள்ளது. இதையடுத்து இசை அமைப்பாளர் ஏ.ஆர்.ரகுமான் பாம்பே ஜெயஸ்ரீக்கு வாழ்த்து தெரிவித்துள்ளார்.