மணிவண்ணனின் தாலாட்டு மச்சி தாலாட்டு

விஹவுஸ் புரொடக்ஷன்ஸ் தயாரிப்பில் சத்யராஜ், சீமான், கோமல் சர்மா நடிக்கும் படம், ‘நாகராஜசோழன் எம்.ஏ., எம்.எல்.ஏ’. மணிவண்ணன் இயக்கும் இந்த படத்தை அடுத்து அவர் இயக்கும் படம் ‘தாலாட்டு மச்சி தாலாட்டு’. ரகுவண்ணன் ஹீரோ. மற்ற நடிகர்கள் தேர்வு நடக்கிறது. படம் பற்றி மணிவண்ணன் கூறும்போது, ‘பொறியியல் கல்லூரியில் இறுதியாண்டு படிக்கும் மாணவனும், மாணவியும் காதலிக்கின்றனர். இது அவர்களுடைய வீட்டுக்கு தெரிகிறது. என்றாலும், மாணவனுக்கு அந்த காதலும், அன்பும் கிடைக்காமல் போகிறது. அதற்கு காரணம் ஒரு குழந்தை. அடுத்து என்ன நடக்கிறது என்பது கதை’ என்றார்.