மலையாள படம் இயக்குகிறார் ஷகீலா

சென்னை : கவர்ச்சி நடிகை ஷகீலா, மலையாள படம் இயக்குகிறார். இதுபற்றி அவர் கூறியதாவது: 200 படங்களுக்கு மேல் நடித்து விட்டேன். படம் இயக்க வேண்டும் என்பது நீண்ட நாள் கனவு. கே.ராஜேஷ்வர் இயக்கிய டி.வி தொடரில் உதவியாளராகப் பணியாற்றினேன். படம் இயக்குவதற்கான அடிப்படை விஷயங்களை கற்றுக்கொண்டேன். இப்போது ‘நீலக்குறிஞ்சி பூத்து‘ என்ற மலையாளப் படத்தை இயக்குகிறேன்.

ஹீரோ, ஹீரோயின் அறிமுகமாகின்றனர். டைரக்ஷன் மட்டும்தான் நான். கதை வேறொருவர். அடுத்த மாதம் முதல் படப்பிடிப்பு நடக்கிறது. மலையாளத்தில் கலையம்சம் நிறைந்த கதைகளை ரசிப்பார்கள். எனவேதான் இந்தக் கதையை மலையாளத்தில் இயக்குகிறேன். இங்கு வெற்றிபெற்ற பிறகு தமிழில் படம் இயக்குவேன். தற்போது ‘ஒன்பதுல குரு‘ உட்பட சில தமிழ்ப் படங்களில் நடிக்கிறேன். இவ்வாறு ஷகிலா கூறினர்.