படம் இயக்குகிறார் ஏ.ஆர்.ரகுமான்

சென்னை : இரண்டு முறை ஆஸ்கர் விருது பெற்ற இசையமைப்பாளர் ஏ.ஆர்.ரகுமான், விரைவில் படம் இயக்க உள்ளதாக, அவரது நண்பரும், ஒலிப்பதிவுக்காக ஆஸ்கர் விருது பெற்றவருமான ரசூல் பூக்குட்டி தெரிவித்துள்ளார். இதுகுறித்து அவர் கூறுகையில், “ஏற்கனவே லாஸ் ஏஞ்சல்ஸில் ரகுமான் தங்கியிருந்தபோது, ஸ்கிரிப்ட் மற்றும் படம் இயக்குவதற்கான படிப்பை முடித்துள்ளார். படம் உருவாக்குவது குறித்தும், ஸ்கிரிப்ட் பற்றியும் நாங்கள் பலமுறை ஆலோசனை செய்துள்ளோம். அவர் படம் இயக்க வருவது மிகவும் அவசியமானது. இந்த கதையில் எந்த ஹீரோ நடித்தால் பொருத்தமாக இருக்கும் என்று யோசித்து வருகிறோம்” என்றார்.