கிராமங்களுக்கு மரியாதை தரும் படம்: எழில்

சென்னை : விமல், பிந்து மாதவி நடிக்கும் படம், ‘தேசிங்கு ராஜா’. படத்தை இயக்கும் எழில் கூறியதாவது: இரு கிராமங்களுக்கு இடையே நடக்கும் கதை. இன்றளவும் கிராமப் பகுதிகளில்தான் புனிதமான உறவுகளுக்கும், உண்மையான நட்புக்கும் அதிக மரியாதை கொடுக்கப்பட்டு வருகிறது. அதை மதித்து ஆராதிக்கும் படம் இது.

அப்படிப்பட்ட பசுமை மாறாத கிராமங்களில் மறைந்து கிடக்கும் கோபமும், வன்மமும் ஒரு காதலை எப்படி பாதிக்கிறது என்ற விஷயத்தை பேமிலி சென்டிமென்ட் மற்றும் காமெடியுடன் சொல்லியிருக்கிறேன். இதுவரை நான் இயக்கிய காதல் கதைகளில் இருந்து மாறுபட்ட கோணத்தில் இப்படம் இருக்கும். இமான் இசையில் யுகபாரதியின் பாடல்கள் ரசிக்கும்படியாக அமைந்துள்ளது ஹைலைட்.