தமிழ்-இந்தி வித்தியாசமில்லை : பிரபுதேவா

‘தமிழ், இந்தி என எனக்கு பாகுபாடு எதுவும் இல்லை’ என்றார் பிரபுதேவா. ‘போக்கிரி’, ‘வில்லு’, ‘வெடி’ என வரிசையாக தமிழ் படங்களை இயக்கிக்கொண்டிருந்த பிரபுதேவா பாலிவுட் படங்களை இயக்க சென்றார், சல்மான்கான், அக்ஷய்குமார் படங்களை இயக்கியவர் பிரபல நடன இயக்குனர் ரெமோ டிசோசா இயக்கும் ‘ஏபிசிடி’ என்ற படத்தில் நடிக்க ஒப்புக்கொண்டார். இப்படம் ‘தமிழில் ஆடலாம் பாய்ஸ் சின்னதா டான்ஸ்’ என்ற பெயரில் ரிலீஸ் ஆக உள்ளது. விஷ்ணு என்ற கதாபாத்திரத்தில் நடனத்தை உயிராக மதிக்கும் இளைஞனாக நடிக்கிறார் பிரபுதேவா. தனது நண்பருடன் இணைந்து மும்பையில் நடன பள்ளி தொடங்குகிறார்.

ஏதோ ஒரு காரணத்துக்காக அதில் இருந்து விலக்கப்படுகிறார். நடனத்தை கைவிட்டு நிரந்தரமாக மும்பையை விட்டு வெளியேற முடிவு செய்கிறார். அதன்பிறகு நடப்பது என்ன என்பதுதான் கதை. இவருடன் பிரபல நடன இயக்குனர் கணேஷ் ஆச்சார்யா உள்ளிட்ட பலர் நடிக்கின்றனர். யுடிவி ரோனி ஸ்குரூவாலா, சித்தார்த் ராய் கபூர் தயாரிக்கின்றனர். சச்சின் ஜிகார் இசை. விஜயகுமார் அரோ ஒளிப்பதிவு. செய்திருக்கிறார். பிப்ரவரி 8ல் படம் ரிலீஸ். ‘தென்னிந்திய, வட இந்திய படங்கள் என எனக்கு எந்த வித்தியாசமும் இல்லை. இரண்டு இடத்திலும் என்னால் சகஜமாக பணியாற்ற முடிகிறது’ என்றார் பிரபுதேவா.