இந்தி திரை உலகம் என்னை நன்கு கவனிக்கிறது: பிரபுதேவா

lekhafoods.gif
தமிழ் சினிமாவுக்கு நடன இயக்குனராக அறிமுகமாகி, நடிகர், இயக்குனராக அவதாரமெடுத்தவர் பிரபுதேவா. இவர் தமிழ் மட்டுமல்லாது தெலுங்கு, இந்தியிலும் பல படங்களை இயக்கியுள்ளார். இந்தியில் இவர் இயக்கிய முதல் படமான ‘வாண்டட்’ என்ற படம் 100 கோடிக்கும் மேல் வசூலில் சாதனை படைத்தது. தற்போது முழுநேரமாக இந்தியில் கவனம் செலுத்தி வருகிறார். இந்தியில் 4 படங்கள் இவர் கைவசம் உள்ளன. சல்மான்கான் நடிக்கும் படம் ஒன்றையும் இயக்க உள்ளார்.

இதுகுறித்து பிரபுதேவா கூறும்போது, சினிமாவில் எதுவுமே என் வாழ்வில் திட்டமிட்டு நடைபெறவில்லை. நான் நடன இயக்குனராக ஆனது தற்செயலானது. தெலுங்கு திரைப்பட தயாரிப்பாளர் ஒருவர்தான் நான் திரைப்படத்தை இயக்க வாய்ப்பளித்தார். இந்தி திரை உலகம் தன்னை நன்றாக கவனித்துக் கொள்கிறது. மீண்டும் நடிக்கும் எண்ணத்திலும் இருக்கிறேன் என்று கூறினார்.

பிரபுதேவா தற்போது இந்தியில் சோனுசூட், ஸ்ருதிஹாசன் நடிப்பில் ‘ராமையா வச்தவா’ என்ற படத்தை இயக்கி வருகிறார். இப்படத்திற்கு பிறகு ஷாகீத் கபூர் நடிப்பில் ‘ராம்போ ராஜ்குமார்’ என்ற படத்தை இயக்கவுள்ளார்.