புதுமுகங்களை இயக்குகிறார் பார்த்திபன்

சென்னை : புதுமுகங்கள் நடிக்கும் படம் ஒன்றை இயக்குகிறார் பார்த்திபன். அதற்கு ‘கதை திரைக்கதை, வசனம், இயக்கம்’ என்று பெயர் வைத்திருக்கிறார். இதுபற்றி அவர் கூறியதாவது: இது சினிமா சம்பந்தமான படம் இல்லை. வாழ்க்கை தொடர்புடையது. எல்லோருடைய வாழ்க்கையும் ஒரு கதைதான். அதில் அவர்கள் வாழும் முறை அவரவர் எழுதும் திரைக்கதை, பேசும் வார்த்தைகள் வசனம், தன்னையும் மற்றவர்களையும் இயக்கவும் செய்கிறார்கள். அதற்குத்தான் இந்த தலைப்பு. அதோடு கொஞ்சம் சினிமாவும் இருக்கிறது. இது புதுமையான கதை. நான் நடித்தால் என் சாயல் வந்து விடும் என்பதால் புதுமுகங்களை நடிக்க வைத்து இயக்கப்போகிறேன். ஜன்னலோரம், பிரவேசம், பேட் பாய்ஸ் படங்களிலும் பெயரிடப்படாத 3 படங்களிலும் நடித்து வருகிறேன்.