டிஜிட்டலில் வசந்த மாளிகை

சிவாஜி, வாணிஸ்ரீ நடிப்பில் 1972-ல் ரிலீசான படம், ‘வசந்த மாளிகை’. கே.எஸ்.பிரகாஷ் ராவ் இயக்கிய இந்தப் படம், 40 வருடங்களுக்குப் பிறகு டிஜிட்டலில் வெளியாகிறது. 35 எம்.எம்மில் அப்போது ரிலீசான இப்படத்தை கலர் கரெக்ஷன் செய்து சினிமாஸ்கோப்புக்கு மாற்றியுள்ளனர். இந்தப் படம் கியூப் சிஸ்டத்தில் 100 தியேட்டர்களில் வரும் 8ம் தேதி ரிலீஸ் ஆகிறது. இதுபற்றி சாய் கணேஷ் பிலிம்ஸ் பி.சீனிவாசன், பி.வி.முரளி நிருபர்களிடம் கூறியதாவது: இந்தப் படத்தின் தமிழக உரிமையை தயாரிப்பாளர் டி.ராமாநாயுடுவிடம் சேலம் ராஜா கவுண்டர் பெற்றிருந்தார். அவரிடம் சிட்டி மற்றும் என்.எஸ்.சி உரிமையை நாங்கள் வாங்கினோம். கடந்த 6 மாதங்களாக, 10 லட்ச ரூபாய் செலவில் பணிகள் நடந்தது. 1972 முதல் இப்படம் 10 முறை மறுரிலீஸ் செய்யப்பட்டுள்ளது. தற்போது புதுப் பொலிவுடன் ரிலீஸ் ஆகிறது.