டிஜிட்டலில் வருகிறது வசந்த மாளிகை

1972 ல் வெளியான வசந்த மாளிகை தமிழ் சினிமாவின் அடையாளங்களில் ஒன்று. இன்றும் தமிழகத்தின் ஏதாவது ஒரு மூலையில் இந்தப் படம் ஓடிக் கொண்டுதான் இருக்கிறது.
FILE

சிவாஜி, வாணி ஸ்ரீ நடித்த வசந்த மாளிகையை டிஜிட்டலில் மேம்படுத்தி வெளியிடுகிறது ஸ்ரீ சாய் கணேஷ் பிலிம்ஸ். டிஜிட்டல் தொழில்நுட்பத்தில் சினிமாஸ்கோப்பில் வெளியாகும் இந்தப் படத்துக்காக பல லட்சங்கள் செலவு செய்துள்ளதாக படத்தை வெளியிடும் பி.ஸ்ரீனிவாசன் தெரிவித்தார்.

கே.எஸ்.பிரகாஷ் ராவ் 41 வருடங்களுக்கு முன் இயக்கிய இப்படம் இன்றும் காதலின் வலியை சொல்வதாக இருப்பது சின்ன ஆச்சரியம். முக்கியமாக படத்தின் பாடல்கள். எப்போது கேட்டாலும் அசர வைப்பவை.

இந்த மாதம் வசந்த மாளிகையை கர்ணனைப் போல் பிரமாண்டமாக வெளியிட திட்டமிட்டுள்ளனர்.

சிவாஜியின் இந்த எவர் கிரீன் படம் தெலுங்கு பிரேம் நகர் படத்தின் ரீமேக் என்பது குறிப்பிடத்தக்கது.