விடுப்பும், நடிப்பும் - இது தனுஷ் ஸ்டைல்

மனைவி இரு குழந்தைகளுடன் ஆப்பி‌ரிக்கா சென்றிருக்கிறார் தனுஷ். ஓய்வுக்காக இந்தப் பயணம் என்றுதான் முதலில் சொல்லப்பட்டது. நான்கைந்து படத்துக்கு அட்வான்ஸ் வாங்கிவிட்டு ஓய்வெல்லாம் ச‌ரி வருமா?

விடுமுறைக்காக வந்த இடத்தில் பரத்பாலா இயக்கும் ம‌ரியான் படப்பிடிப்பில் கலந்து கொண்டிருக்கிறார். இதன் படப்பிடிப்பு நமிபியாவில் நடந்துள்ளது. சண்டைக் காட்சி ஒன்றை இங்கே படமாக்கியிருக்கிறார்கள்.

சூப்பர் சுப்பராயனின் மகன் திலீப் சுப்பராயன் இந்தச் சண்டைக் காட்சியை அமைத்திருக்கிறார். கதைப்படி ஒரு சண்டைக்காட்சி வெளிநாட்டில் வருகிறதாம், அதை நமிபியாவில் எடுத்தால் என்ன என்று உடனே செயல்படுத்தியிருக்கிறார்கள். விடுப்புக்கு விடுப்பும் ஆச்சு, நடிப்புக்கு நடிப்பும் ஆச்சு.