ஹோம் ஸ்டைல்

ஜீ தமிழ் தொலைக்காட்சியில் ஞாயிறுதோறும் காலை 9.30 மணிக்கு ஒளிபரப்பாகி வரும் புதிய நிகழ்ச்சி, ஹோம் ஸ்டைல். சொந்தமாக வீடு வாங்க ஆசைப்படுவோருக்கும், கட்டிய வீட்டை சீரிய முறையில் சீரமைக்க விரும்புவோருக்கும் வழிகாட்டியாக அமைகிறது, இந்நிகழ்ச்சி. வீடு கட்ட விரும்புவோர் அதற்கேற்ற சிறந்த நிலத்தை தேர்வு செய்யும் வழிமுறைகள், நிலம் வாங்குவோர் தெரிந்து கொள்ள வேண்டிய நடைமுறைகள், வீட்டிற்கு தேவையான உபகரணங்கள் நியாயமான மற்றும் தரமான முறையில் வாங்க உதவிடுதல் குறித்தும் நேயர்களுக்கு பயனுள்ள தகவல்களை பரிமாறுகிறது, நிகழ்ச்சி. இது மட்டுமின்றி, நிலத்தில் வீடு கட்ட தேவையான அனைத்து வகையான டிப்ஸ்களும் நிகழ்ச்சியில் தொகுத்து வழங்கப்படுகிறது. இதில் வீட்டின் மாதிரி வடிவங்கள், வீட்டை கலைநயமாக உருவாக்க தேவையான ஆலோசனைகள் குறித்தும் விரிவாக எடுத்துரைக்கப்படுகிறது.