மயில்சாமியும் மாடசாமியும் - போட்டுத் தாக்கும் சஞ்சய்ராம்

முகம் முதுகுப் பக்கம் இருப்பது போல் போஸ்டர் டிசைன் செய்து, இது நகுலன் ஆண்டு என்று விளம்பரப்படுத்திய சஞ்சய்ராமுக்கும் இப்போது பார்க்கிறவருக்கும் நிறைய வித்தியாசம். உண்மைச் சம்பவத்தை மட்டுமே எடுப்பேன் என்று தாடி மீசை அடியாட்களும் அ‌ரிவாள் ரத்தமுமாக இவர் எடுத்தப் படங்கள் அனைத்தும் படாவதி வன்முறைகள். இந்தமுறை ரோசா என்ற லேசான சப்ஜெக்டுடன் வந்திருக்கிறார்.

கழுத்துல கத்தி வைக்கிற சீனெல்லாம் கண்டிப்பா இல்லை என்ற உத்தரவாதத்துடன் அவர் படம் குறித்து சொன்னவை கேட்க சுவாரஸியம்.

மயில்சாமி என்பவரும், மாடசாமி என்பவரும் வட்டிக்கு பணம் கொடுத்து அதனை அடாவடியாக வசூலிக்கிறார்கள். இவர்களுக்கு ஒரு லவ். இந்த ட்ராக்கை ரொம்ப காமெடியாகச் சொல்லியிருக்கிறார்களாம்.

வாலி என்ற புதுமுகத்தை இந்தப் படத்தில் அறிமுகப்படுத்தியிருக்கிறார். அந்த வாலிதான் முந்தைய பாராவில் வரும் மயில்சாமி. மாடசாமியாக சஞ்சய்ராமே நடிக்கிறார். (படத்தில் இதைவிட வன்முறை வேணுமாக்கும்)

மீனு கார்த்திகா, சௌகாந்தி இருவரும் ஹீரோயின்கள். விரைவில் படம் திரைக்கு வருகிறது.
சஞ்சய்ராம், ரோசா