விரைவில் திருமணம் - ராதிகா ஆப்தே

வர்மாவின் ரத்த ச‌ரித்திரத்தில் ராதிகா ஆப்தேவைப் பார்த்து கதிகலங்கிப் போனவர்கள் அதிகம். அப்படியொரு இந்திய அழகு. தமிழில் டோனியில் நடித்தவர் தற்போது அ‌‌ஜ்மல் ஜோடியாக வெற்றிச்செல்வன் படத்தில் நடித்து வருகிறார்.

ராதிகா ஆப்தேக்கும் லண்டனைச் சேர்ந்த இசைக்கலைஞர் பெனடிக்ட் டெய்லருக்கும் சமீபத்தில் திருமண நிச்சயதார்த்தம் நடந்தது. இருவரும் நட்பாக பழக ஆரம்பித்து அது காதலாக மாறியது என்று தனது திருமண நிச்சயதார்த்த கதையை கூறுகிறார் ஆப்தே.

குடும்பம், நடிப்பு இரண்டையும் இடைஞ்சல் இல்லாமல் தொடர்வதுதான் அவ‌ரின் லட்சியம். அதனால் திருமணமானாலும் நடிப்பேன் என்று ஆறுதளிக்கிறார். விரைவில் இவர்கள் திருமணம் நடைபெற உள்ளது.