மலர்ந்தும் மலராத... பாட வருகிறார் சிவா‌ஜி கணேசன்

கர்ணன் படம் நூறு நாட்கள் கடந்ததை பட்டாசு வெடித்து அமர்க்களப்படுத்தினார்கள் சிவா‌ஜி ரசிகர்கள். இவர்களின் அலம்பல் தாங்காமல், கர்ணன் ஓடும் தியேட்ட‌ரில் கூட்டமே இல்லை நாலே பேர்தான் பார்த்தார்கள் என்று புள்ளி விவரங்களுடன் புரட்சி தலைவ‌ரின் ரசிகர்கள் தங்கள் தலைவ‌ரின் புகழ்பாடும் இதழ்களில் பொ‌ரிகிறார்கள். எங்க‌‌த் தலைவ‌ரின் படமும் டி‌ஜிட்டலில் வரும் இரண்டு தீபாவளி கொண்டாடும் என்று அவர்கள் உறுமினாலும் அதிர்ஷ்டம் என்னவோ நடிகர் திலகத்தின் ரசிகர்களுக்குதான். அவர்கள் கொண்டாட மேலும் ஒரு படம் டி‌ஜிட்டலில் தயாராகி வருகிறது.

1961ல் வெளிவந்த சிவா‌ஜியின் பாசமலர் படத்தை யாரும் மறக்க முடியாது. சிவா‌ஜியும், சாவித்‌ரியும் அண்ணன் தங்கையாக பாசத்தை கரும்பு மிஷினில் பிழிந்திருப்பார்கள். காலத்தால் அழியாத பாடல்கள், எக்காலத்திலும் அழியாத பாசப்பிணைப்பு. தியேட்டரே கண்ணீர் கடலாகும் இந்தப் படத்தைதான் டி‌ஜிட்டலில் மிக விரைவில் வெளியிடுகிறார்கள்.

கர்ணன் ஓகே. சிவா‌ஜியின் கை வீசம்மா கை வீசு... கடைக்குப் போகலாம் கை வீசு... மிட்டாய் வாங்கலாம் கை வீசு... எமோஷனை இந்தத் தலைமுறை தாங்குமா?